جے آئی ٹی نے کچھ اور دھندا شروع کر دیا، انصاف نہیں ہو رہا: سعد رفیق

11

جے آئی ٹی نے کچھ اور دھندا شروع کر دیا، انصاف نہیں ہو رہا، عدالتی فیصلوں پر اعتراض ہوا تو سامنے لایا جائے گا، خواجہ سعد رفیق کا دھواں دھار خطاب۔

لاہور: (فلک نیوز) وفاقی وزیر ریلویز خواجہ سعد رفیق نے کہا کہ جے آئی ٹی کے مقاصد کچھ اور تھے اور اس نے کام کچھ اور شروع کر دیا ہے، انصاف نہیں ہو رہا۔ ان کا کہنا تھا کہ پہلے دن سے ہمیں کام نہیں کرنے دیا گیا، ہمیں ٹانگ سے پکڑ کر سیاست سے نکالنے کی کوشش کرو گے تو دراصل ملک سے سیاست کو نکالنے کی کوشش کرو گے۔ انہوں نے نواز شریف کو درویش اور مخالفین کو ایک چوپائے سے تشبیہ دیتے ہوئے کہا کہ درویش چلتا رہتا ہے اور چوپائے کی آواز آتی رہتی ہے۔ انہوں نے یہ بھی کہا کہ چاروں صوبوں کی زنجیر نواز شریف ہی ہے۔ سعد رفیق نے پہلے سوال اٹھاتے ہوئے کہا کہ عمران خان بتاؤ کس کیلئے کام کر رہے ہو، پھر خود ہی بولے، پتہ تو لگ ہی جائے گا۔ انہوں نے یہ بھی کہا کہ جب انصاف نہیں ہو رہا تو پھر ہم بولیں نہ تو کیا کریں؟