پاناما معاملہ؛ (ن) لیگ کا سپریم کورٹ کا ہر فیصلہ تسلیم کرنے کا فیصلہ

9

وزیر اعظم نواز شریف کی زیر صدارت مسلم لیگ (ن) کے مشاورتی اجلاس میں پاناما معاملے پر سپریم کورٹ کے آنے والے ہر فیصلے کو تسلیم کرنے پر اتفاق ہوا ہے۔ 

سپریم کورٹ کی جانب سے پاناما کیس کا فیصلہ محفوظ کیے جانے کے بعد وزیر اعظم نواز شریف کی زیر صدارت مسلم لیگ (ن) کا مشاورتی اجلاس ہوا۔  جس میں وفاقی وزراء اور مشیروں کے علاوہ وزیراعلیٰ پنجاب شہباز شریف نے بھی شرکت کی۔ اجلاس میں وزیر اعظم کی قانونی ٹیم نے شرکا کو سپریم کورٹ میں ہونے والی سماعت اور ممکنہ فیصلے کے حوالے سے تفصیلی بریفنگ دی  جس کی روشنی میں مشاورت کی گئی۔

ذرائع کے مطابق اجلاس میں فیصلہ کیا گیا کہ پاناما معاملے پر سپریم کورٹ جو بھی فیصلہ کرے گی اسے قبول کیا جائے گا اور ممکنہ طور پر کوئی حکومت کے مخالف فیصلہ آنےکی صورت میں تمام قانونی اورآئینی آپشنز استعمال کئے جائیں گے۔