یکم جون سے پٹرول اور ڈیزل کی قیمتوں میں کمی کا امکان

6

عوام کے لیے خوشخبری ،یکم جون سے پٹرول اور ڈیزل کی قیمتوں میں کمی کا امکان ہے اوگرا نے پٹرولیم مصنوعات کی قیمتوں میں ردوبدل کی سمری وزارت پٹرولیم وقدرتی وسائل کو ارسال کردی ہے۔

ذرائع کے مطا بق اوگرا نے ہائی اسپیڈ ڈیزل اور پٹرول کی قیمت میں کمی جبکہ مٹی کے تیل اور لائٹ ڈیزل کی قیمت میں اضافے کی سفارش کی ہے۔

اوگرا کی جانب سے ارسال کردہ سمری کے مطابق ہائی اسپیڈ ڈیزل کی قیمت میں  3روپے 20پیسے فی لیٹر اور پٹرول کی قیمت میں 2روپے 30پیسے فی لیٹرکمی کی سفارش کی گئی ہے ، ذرائع کے مطابق اوگرا نے مٹی کے تیل کی قیمت میں 13روپے 60 پیسے فی لیٹر جبکہ لائٹ ڈیزل کی قیمت میں 9روپے 50پیسے فی لیٹر اضافہ تجویز کیا ہے۔