ذوالحج کے بابرکت دنوں اور راتوں کو بندگی خدا میں گزاریں ،جمعۃ المبارک کے عظیم اجتماع سے خطاب
لاہور(فلک نیوز )عالمی مجلس تحفظ ختم نبوت ک مرکزی سیکرٹری اطلاعات مولانا عزیز الرحمن ثانی،قاری جمیل الرحمن اختر،مولانا سید جیاء الحسن شاہ،قاری علیم الدین شاکر،مولانا عبدالنعیم،مولانا قاری عبدالعزیز،مولانا سعید وقار نے جمعۃ المبارک کے عظیم الشان اجتماع سے خطاب کرتے ہوئے کہا کہ قربانی کے لیے رضائے الٰہی کی نیت ضروری ہے ،ریاء کاری اور دکھلاوے سے قربانی رائیگاں ہوجاتی ہے۔ذوالحجہ کے ابتدائی دس دنوں میں کیے جانے والے اعمال دیگر دنوں کی بانسبت اللہ تعالیٰ کی بارگاہ میں زیادہ محبوب اور پسندیدہ ہیں اورانہوں نے اپیل کی کہ ذوالحجہ کے مقدس اور بابرکت دنوں اور راتوں کو عبادت اور بندگی میں گزاریں ،تفریح کے نام پرپھیلائی جانے والی فحاشی ،بے حیائی اور برائی سے پرہیز کریں،مزید ان کا کہناتھا کہ پاکستان کو چاہیے کہ وہ امریکہ کو دوٹوک الفاظ میں جواب دے اوراپنا مؤقف عالمی استعمار پر واضح کرے کہ ہم امریکہ کے زرخرید غلام نہیں بلکہ آزاداور خودمختارریاست ہیں اور انہوں نے امریکہ مخالف آرمی چیف کے بیان کو سراہااور پاک فوج کو دادتحسین پیش کی اور کہا کہ مسلم امہ کے حکمرانوں کو عالم کفر کے مقابلے میں متحد اور یکجاہوجانا چاہیے۔ امریکہ، بھارت اور افغانستان کا گٹھ جوڑ پاکستان کی سلامتی کے لئے خطرہ ہے۔ امریکہ افغانستان میں ناکامی کا ملبہ پاکستان پر نہ ڈالے۔ امریکہ کی پاکستان دشمن سازشوں کے مقابلہ کے لئے قومی اتحاد کی ضرورت ہے۔ پاکستان میں سیاسی عدم استحکام پیدا کرنا عالمی سازش ہے۔
