پاکستان ہماری زندگی ہے اور ملک سے بڑھ کرکوئی چیز نہیں، آرمی چیف

4

سربراہ پاک فوج جنرل قمر جاوید باجوہ کا کہنا ہے کہ ہماری زندگیاں پاکستان کے لئے ہیں ملک سے بڑھ کر کچھ نہیں ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے پاک افغان سرحد پروادی راجگل کا دورہ کیا اور سرحد پر تعینات جوانوں کےساتھ عید منائی۔

اس موقع پر آرمی چیف جنرل قمر جاوید باجوہ نے کہا کہ پاکستان ہمارا جذبہ اور ہماری زندگی ہے ہماری زندگیاں پاکستان کے لیے ہیں ملک سے بڑھ کر کوئی چیز نہیں، پاکستان اور عوام کے تحفظ کے لیے عید قرباں پر فرائض کی انجام دہی بہترین خوشی ہے ہم سب مل کر  پاکستان کو بہترین ملک بنائیں گے