وزیر اعلیٰ پنجاب شہباز شریف کا کہنا ہے کہ میرے تین ادوار میں کوئی کرپشن ثابت کرے، ثابت ہو تو قبر سے بھی نکال کر پھانسی دے دیں، کرپشن ختم کرنے کے دعویدار جھوٹ بولتے ہیں، بڑے بڑے دعوے کرنے والوں نے اپنے صوبے میں ڈینگی کا علاج بھی نہیں کیا۔
ڈیرہ غازی خان: (فلک نیوز) اسی روایتی انداز اور شعلہ بیانی کے جوہر دکھاتے ہوئے وزیر اعلیٰ شہباز شریف ڈیرہ غازی خان میں مظفر گڑھ تا ڈیرہ غازی خان دو رویہ سڑک کا سنگ بنیاد رکھنے کے بعد تقریب سے خطاب کرتے ہوئے عمران خان پر خوب گرجے اور برسے۔ انہوں نے کہا کہ ڈی جی خان میں بھی میٹرو بس چلائیں گے۔ میرے تین ادوار میں کوئی کرپشن ثابت کرے، ثابت ہو جائے تو قبر سے بھی نکال کر پھانسی دے دیں۔ شہباز شریف نے کہا کہ عمران خان نے ہمیں ڈینگی برادران کہا، جب پشاور میں ڈینگی آیا تو عمران خان پہاڑوں پر چڑھے ہوئے تھے، کرپشن ختم کرنے کے دعویدار جھوٹ بولتے ہیں، انہوں نے اپنے صوبے میں دھیلے کا کام بھی نہیں کیا۔
