بینظیر اور مرتضیٰ بھٹو کو آصف زرداری نے قتل کرایا: پرویز مشرف کا دعویٰ

21

زرداری پر بینظیر اور مرتضیٰ کے قتل کا الزام، پرویز مشرف نے بڑا محاذ کھول دیا، بی بی کی گاڑی میں چھت پر کھڑکی کیوں بنائی گئی؟ باہر نکلنے کا کس نے کہا؟ خالد شہنشاہ کو کس نے مارا؟ سابق صدر نے اہم سوال اٹھا دیئے، کہتے ہیں بینظیر قتل کا فائدہ آصف زرداری کو ہوا، ناہید خان، صفدر عباسی، امین فہیم اور خالد شہنشاہ کو عدالت میں بلایا ہی نہیں گیا، پرویز مشرف کا آصف زرداری کو گرفتار کر کے تحقیقات کا مطالبہ۔

لندن: (فلک نیوز) پرویز مشرف نے اپنے ویڈیو پیغام میں انکشاف کرتے ہوئے کہا کہ بینظیر اور مرتضیٰ بھٹو کو آصف زرداری نے قتل کرایا۔ انہوں نے کہا بینظیر کے قتل کا مجھے نقصان جبکہ ایک شخص کو فائدہ ہوا، مجھ پر بھی بیت اللہ محسود نے حملہ کرایا۔ پرویز مشرف نے دعویٰ کیا کہ سازش میں زرداری اور اعلیٰ افغان حکام شامل تھے۔ پرویز مشرف نے مزید کہا میری باتیں بلاول، آصفہ، بختاور کیلئے اہم ہیں، زرداری نے بے نظیر کا قتل بیت اللہ محسود کے ذریعے کرایا، انکو گاڑی سے نکلنے کیلئے بار بار فون آئے اور بعد میں فون ہی غائب کر دیا گیا۔ان کا کہنا تھا کہ بے نظیر کی گاڑی میں خالد شہنشاہ بھی تھا، لیکن قاتلوں نے بعد میں اسے بھی قتل کرا دیا۔ انہوں نے مطالبہ کیا کہ زرداری کو دونوں کیسز میں پکڑا جائے۔