ملک سے بدامنی کے خاتمے کے لیے عدل فاروقی کو اپنانا ہوگا
لاہور(فلک نیوز )عالمی مجلس تحفظ ختم نبوت کے مرکزی رہنما،مولانا عزیزالرحمن ثانی،قاری جمیل الرحمن اختر،مولانا قاری علیم الدین شاکر،مولانا عبدالنعیم،مولانامحبوب الحسن طاہر،قاری عبدالعزیز نے خطبات جمعہ میں سیرت عمر فاروقؓ کے موضوع پر خطاب کرتے ہوئے کہا ہے کہ حضرت عمر فاروقؓ عدل وانساف کے پیکر تھے،ملک عزیزسے بدامنی کے خاتمے کے لیے عدل فاروقی کو اپنانا ہوگا۔انہوں نے کہا کہ حضرت عمرؓ کا طرز حکمرانی تمام مسلمان حکمرانوں کے مشعل راہ ہے،آپؓ کی انسانیت کے خدمات قابل تقلید ہیں۔اسلام کی اشاعت میں آپ کا کردار مثالی ہے۔حضرت عمر فاروقؓ کو آپ ﷺ سے والہانہ عقیدت ومحبت تھی ترویج اسلام کے لیے اپنا سب کچھ قربان کر دیا۔علماء کرام نے کہا کہ جب آپؓ منصب خلافت پر فائز ہوئے تو عدل وانصاف کی عمدہ مثال قائم کی۔ڈاک پولیس اور دیگر محکمے بنائے۔حضرت عمرؓ مراد پیغمبر ہیں ،اسلام کی تقویت کے لیے حضور ﷺ نے آپؓ کو بارگاہ الٰہی سے مانگا تھا۔وطن عزیزسے ہر بحران کا خاتمہ حضرت عمر فاروقؓ کے طرز حکمرانی کو اپنانے سے ہی ممکن ہے۔علماء کرام نے کہا کہ حضور ﷺ نے ارشاد فرمایا کہ میرے بعد اگر کو ئی نبی ہوتا تو وہ حضرت عمرؓ ہوتے،جب حضرت عمرؓ جیسے جلیل القدر صحابی وہ نبی نہ بن سکے توآج جھوٹے مدعیان نبوت کو مسلمان کیسے برداشت کر سکتے ہیں۔
جاری کردہ
