آرمی چیف کی کابل میں افغان صدر سے ملاقات

37

آرمی چیف جنرل قمر جاوید باجوہ ایک روزہ دورہ پر کابل پہنچ گئے ہیں جہاں انہوں نے افغان صدر سے ملاقات کی ہے۔

آرمی چیف جنرل قمر جاوید باجوہ ایک روزہ دورہ پر کابل پہنچ گئے ہیں جہاں انہوں نے افغان صدر اشرف غنی سے ملاقات کی ہے، افغان میڈیا کے مطابق صدر اشرف غنی نے آرمی چیف کا صدارتی محل میں استقبال کیا جب کہ اس موقع پر دو طرفہ تعلقات، خطے میں سیکیورٹی کی صورتحال اور دہشتگردی کے خلاف جنگ پر بھی تبادلہ خیال کیا گیا۔

پاک فوج کے شعبہ تعلقات عامہ(آئی ایس پی آر) کے مطابق آرمی چیف جنرل قمر جاوید باجوہ ایک روزہ دورہ پر کابل روانہ ہوئے ہیں جہاں وہ افغان صدر اشرف غنی اور افغان آرمی چیف سمیت دیگر عسکری حکام سے بھی ملاقاتیں کریں گے۔

واضح رہے کہ 2 روز قبل امریکی وزیر دفاع جم میٹس اور نیٹو سیکرٹری جنرل جینز اسٹولٹن برگ نے بھی افغانستان کے صدر اشرف غنی سے ملاقات کی تھی۔ افغان میڈیا کے مطابق جم میٹس اور جینز اسٹولٹن برگ نے عزم کیا کہ افغانستان کو دہشت گردوں کی پناہ گاہ نہیں بننے دیا جائے گا۔ ملاقات کے بعد مشترکہ پریس کانفرنس کرتے ہوئے صدر اشرف غنی نے خطے کے ممالک سے دہشت گردی کے خلاف جنگ میں تعاون کا مطالبہ بھی کیا۔