وزیر ریلوے خواجہ سعد رفیق کا کہنا ہے کہ سی پیک منصوبے کی وجہ سے ہمارا ہمسایہ ملک اور بہت سی سپر پاورز ہمارے پیچھے پڑگئی ہیں۔
سماجی رابطے کی ویب سائٹ ٹویٹر پر اظہار خیال کرتے ہوئے وزیر ریلوے سعد رفیق کا کہنا تھا کہ ہم جمہوریت پسند ہیں اور کبھی کسی آمر سے ایک لمحے کے لئے بھی ہاتھ نہیں ملایا۔ ان کا کہنا تھا کہ سی پیک کے بعد ہمارا ہمسایہ اور بہت سی سپر پاورز ہمارے پیچھے پڑ گئی ہیں جو نہیں چاہتے کہ پاکستان میں خوشحالی آئے۔
سعد رفیق کا کہنا تھا کہ ٹکراؤ ہمارا ایجنڈا نہیں اس وقت ملک میں اتفاق ضروری ہے، جب نظر آرہا ہو کہ ملک کا دشمن ملک کو گھیر رہا ہے تو ملک کے اندر مخالفین بھی آپ کو برے نہیں لگتے اس لئے سب کا اکٹھا ہونا پاکستان کے لئے وسیع تر مفاد میں ہے۔
