گورنمنٹ بوائز ڈگری کالج کوٹلہ کے سامنے کچرے کے بڑے بڑے ڈھیربیماریوں کاباعث بننےلگے

4

گلیانہ(ڈاکٹر انصرفاروق)کوٹلہ ارب علی خاں گورنمنٹ بوائز ڈگری کالج کوٹلہ اورواپڈا سب ڈویثرن کوٹلہ کے سامنے کچرے کے بڑے ڈھیروں کو لگی آگ سے سموگ،بدبو سے ملازمین،طلبہ کومشکلات کاسامنا۔آلودہ بدبو دار کچرے کو لگی آگ سے اٹھنے والے دھواں سے طلبہ،ٹیچرز،واپڈا ،افسران و ملازمین کے لیے وبال اورراہگیروں کا اس روڈ سے گزر نا مشکل ہوگیاہے ،گجرات میں دفعہ144لگنے کے باوجود کچرا جلایا جا رہا ہے یاد رہے اس جگہ سے چند گز کے فاصلہ پر گونمنٹ کالج برائے خواتین،سول ہسپتال کوٹلہ بھی واقع ہے ۔عوام لناس نے کو ٹلہ میں صفائی ستھرائی کے دوران اکٹھا ہونے والے کوڑا اور کچرا کی جگہ تبدیل کر نے یا روڈ سے ہٹ کر اسے ٹھکانے لگانے کا مطالبہ کیا ہے، روڈ کے قریب کچرا سے ایک تو اس علاقہ کی خوبصورتی ماند پڑرہی ہے، دوسرا بدبو اور زہریلے دھواں سے مو ذی بیماریوں کا اندیشہ بڑھا رہا ہے،اس حوالے سے قائم ویسٹ مینجمنٹ کو ٹلہ کے ذمہ داران اور انتظامیہ کو فی الفور نو ٹس لینا چاہیے تاکہ صاف کو ٹلہ خوبصورت کو ٹلہ پروگرام کامیابی سے جاری ساری رہ سکے۔