نوازشریف کو اب کوئی این آراو نہیں بچا سکتا، شیخ رشید

13

عوامی مسلم لیگ کے سربراہ شیخ رشید کا کہنا ہے کہ بڑا بھائی چھوٹے بھائی سے این آراو کی کوشش کررہا ہے لیکن نواز شریف کو اب کوئی این آراو نہیں بچا سکتا۔

کینیڈا سے واپسی پر راولپنڈی ایئرپورٹ پر میڈیا سے بات کرتے ہوئے شیخ رشید احمد کا کہنا تھا کہ 3 دن کے بعد وطن واپس پہنچا ہوں، طاہر القادری کا شکریہ ادا کرتا ہوں کہ جنہوں نے دورے کی دعوت دی۔ انہوں نے کہا کہ پاکستان میں آئندہ 6 ماہ انتہائی اہم ہیں جب کہ بڑا بھائی چھوٹے بھائی سے این آر او کی کوشش کررہا ہے لیکن میں بتا دوں کہ اب نوازشریف کو کوئی این آراو نہیں بچا سکتا۔

شیخ رشید کا کہنا تھا کہ شاہد خاقان عباسی کیسا وزیر اعظم ہے جو ایک دن لندن اور دوسرے دن پاکستان میں ہوتا ہے۔