عمرے کی ادائیگی کیلئے ویزے کے حصول کیلئے تھم امپریشن کی شرط بلاجواز ہے صاحبزادہ ابوالخیر محمد زبیر

22

اس مقصد کیلئے پورے ملک میں صرف کراچی ،لاہوراور اسلام آباد میں تین سینٹر قائم کئے گئے ہیں
تھم امپریشن کی شرط سے عمرے کی سعادت حاصل کرنے والے زائدین میں اضطراب کی شدید لہر دوڑ گئی ہے
جمعیت علماء پاکستان (نورانی) و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے عمرے کی ادائیگی کیلئے ویزے کے حصول کیلئے تھم امپریشن کی شرط کو بلاجواز قرار دیتے ہوئے کہا ہے کہ عمرے کی ادائیگی کیلئے جانے والے زائرین کے تھم امپریشن کی شرط سے عمرے کی سعادت حاصل کرنے والے زائدین میں اضطراب کی شدید لہر دوڑ گئی ہے کیونکہ سعودی حکومت نے عمرے کی سعادت حاصل کرنے والے مسافروں کیلئے تھم امپریشن کی شرط لگا کر مزید دشواریاں پیدا کردی ہیں اور اس مقصد کیلئے پورے ملک میں صرف کراچی ،لاہوراور اسلام آباد میں تین سینٹر قائم کئے گئے ہیں جہاں پہنچنے کیلئے دوردراز رہنے والے زائرین عمرہ کو شدید دشواریوں کاسامنا ہے انہوں نے کہا کہ تھم امپریشن کی شرط فوری طور پر ختم کی جائے ، نادرااورپاسپورٹ آفس سے اس کا لنگ کردیا جائے جہاں پہلے ہی عمرے کے خواہش مند افراد کے یھم امیرپشن موجود ہیں اس کے باجود بھی اگر تھم امپریشن نہایت ضروری ہے توپھر ملک بھرکے ہر ضلع میں تھم امپریشن کے مراکز قائم کئے جائیں تاکہ عمرے کی سعادت حاصل کرنے والے زائرین کو ویزے کے حصول میں آسانی ہواور ان کی سفری تکالیف کو کم کیا جاسکے اورتھم امپریشن کیلئے جس طرح ان تینوں شہروں کراچی ،لاہور اور اسلام آباد میں زائرین کی طویل قطاروں لگ رہی ہیں اس سے بھی نجات مل جائے گی۔انہوں نے حکومت پاکستان سے مطالبہ کیا کہ عمرے کی سعادت کیلئے سعودی عرب جانے والے مسافروں کیلئے ویزے کی شرط کو آسان اور سہل بنایاجائے اور انزائرین عمرہ کیلئے آسانیان پیدا کی جائیں وزرات مذہبی امور اس جانب خصوصی توجہ دے تاکہ پاکستانی مسافروں کوعمرے کی سعادت کیلئے سہولتیں میسر آسکے ۔