اسلامی تعلیمات سیکھنے کے مواقع موجود ہونے کے باوجود نہ سیکھنابڑی محرومی ہے ۔ علامہ تنویرعطاری

8

قرآن و حدیث کی تعلیم مفت دی جاتی ہے لیکن حیرت ہے کہ مسلمان دین سیکھنے کے لیے تیار ہی نہیں۔
دعوت اسلامی کا مقصد،مجھے اپنی اور ساری دنیا کے لوگوں کی اصلاح کی کوشش کرنی ہے ۔
گلیانہ (ڈاکٹر انصر فاروق )دعوت اسلامی گلیانہ کے نگران علامہ تنویر عطاری اور گلیانہ مالیات کے نگران و مدرس مدرستہ المدینہ فیضان مدینہ گلیانہ مولانا حافظ ثناء اللہ عطاری نے مشترکہ طور پر میڈیا سے گفتگو کرتے ہوئے کہا کہ موجودہ دور میں دین اسلام کی تعلیمات سیکھنا بہت آسان ہو چکا ہے جگہ بہ جگہ مدرسے اور جامعات موجود ہیں جن میں بلکل مفت قرآن و حدیث کی تعلیم دی جاتی ہے لیکن حیرت ہے مسلمان دین سیکھنے کو تیار ہی نہیں .اتنے مواقع ہونے کے باوجود اسلامی تعلیمات نہ سیکھنا بہت بڑی محرومی ہے دنیاوی تعلیم کی اہمیت اپنی جگہ مگر ایک مسلمان کو اپنی روزمرہ زندگی میں پیش آنے والے شرعی مسائل کو بھی سیکھنا بہت ضروری ہے .انہوں نے مزید گفتگو کرتے ہوئے کہا کہ دعوت اسلامی 104 شعبہ جات میں دین متین کی خدمت کر رہی ہے اور200 سے زیادہ ممالک میں قرآن و سنت کی تعلیم کو عام کر رہی ہے دنیا بھر میں لاکھوں لوگ ہر جمعرات کو اجتماعات میں شریک ہو کر علم دین حاصل کرتے ہیں ۔گلیانہ میں دعوت اسلامی کو یہ اعزاز حاصل ہے کہ فیضان مدینہ گلیانہ میں بھی ہر جمعرات کو مغرب تا عشاء اجتماع میں تقریبا 500 افراد شرکت کرتے ہیں۔دعوت اسلامی کا مقصد مجھے اپنی اور ساری دنیا کے لوگوں کی اصلاح کی کوشش کرنی ہے کے جذبے کے تحت اجتماع کے بعد کئی لوگ علم دین سیکھنے اور سیکھانے اور لوگوں کی اصلاح کرنے کے لیے 3 دن کے مدنی قافلے (راہ خدا عزوجل )میں سفر کرتے ہیں .اس موقع پر مدرستہ المدینہ فیضان مدینہ گلیانہ کے مدرس مولانا حافظ ثناء اللہ عطاری نے عوام الناس کو مشورہ دیتے ہوئے کہا کے اگر آپ چاہتے ہیں کہ ہمارے بچے حافظ قرآن و عالم با عمل بن کربگڑے ہوئے معاشرے کی اصلاح میں اعلی کردار ادا کریں تو اپنے بچوں کو دعوت اسلامی کے مدرستہ المدینہ اور جامعات المدینہ میں تعلیم دلوائیں۔