عید میلادالنبی پرگلیوں میں لائٹنگ لگاتے وقت جس میٹرسے بھی بجلی لیں مالکان سے پوچھ کرلیں .مولاناعمران عطاری

14

گلیانہ (ڈاکٹر انصر فاروق ) عید میلادالنبی پر چراغاں کرنے کے لیے بجلی چوری کرنا گناہ ہے ۔ مولانا عمران عطاری . ۔ گلیوں میں لائٹنگ لگاتے وقت جس میٹر سے بھی بجلی لیں مالکان سے پوچھ کر لیں .
ربیع الاول کے بابرکت مہینے میں نبی کریم علیہ الصلوۃوالسلام پر زیادہ سے زیادہ درودسلام کے نذرانے پیش کریں .مدنی مرکز فیضان مدینہ گلیانہ میں دعوت اسلامی کے ہفتہ وار ہونے والے اجتماع میں مبلغ دعوت اسلامی مولانا عمران عطاری المدنی نے عید میلاد النبی علیہ الصلوۃوالسلام کے حوالے سے بیان کرتے ہوئے کہا کہ ربیع الاول کے بابرکت مہینے میں گلیوں محلوں بازاروں کو چراغاں کر کے سجایا جاتا ہے مگر کچھ لوگ اس چراغاں کے لیے بجلی چوری کرتے ہیں .مکانوں کی چھتوں کے قریب سے گزرتی ہوئی مین تاروں پر کنڈیاں لگا کر بجلی چوری کی جاتی ہے جو کہ غیر قانونی طریقہ ہے اور شرمندگی کا باعث بھی ہے .گلیوں بازاروں میں لائٹنگ کرنے کے لیے لوگ مالک مکانوں سے پوچھے بغیر ان کے میٹروں میں تاریں لگا لیتے ہیں جو کہ گناہ ہے .ہمیں احتیاط کرنی چاہیے اور میلادالنبی کے موقع پر چراغاں کرنے کے لیے کسی میٹر میں تار لگاتے وقت میٹر مالک سے اجازت لینا بہت ضروری ہے .انہوں نے مزید کہا کہ ہمیں چاہیے ربیع الاول کے بابرکت مہینے میں نبی کریم علیہ الصلوۃوالسلام پر زیادہ سے زیادہ درود وسلام کے نذرانے پیش کریں .اس اجتماع میں کثیر تعداد میں مذہبی اور سماجی شخصیات نے شرکت کی .اجتماع میں ذکراللہ قاری راشد عطاری نے کروایا اور آخر میں دعا مولانا محمد تنویر عطاری نے کروائی اور اجتماع کے بعد شرکاء کے لیے لنگر کا انتظام بھی کیا گیا .