ہیکرز نے سپیشل ڈیوائسز کی مدد سے 600 اکاؤنٹس سے 1 کروڑ روپے اُڑا لئے

157

اے ٹی ایم کا استعمال عوام کیلئے وبال، ملک بھر میں 600 شہریوں کے اکاؤنٹس خالی ہونے کا انکشاف، ہیکرز نے سپیشل ڈیوائسز کی مدد سے 1 کروڑ روپے اُڑا لئے، حبیب بینک نے سٹیٹ بینک اور ایف آئی اے کو خط لکھ دیئے۔

کراچی: (فلک نیوز) ہیکرز ملک بھر میں 600 سے زائد صارفین کے اکاؤنٹس سے پیسے لے اڑے۔ بینکنگ ذرائع کے مطابق، حبیب بینک اور دیگر کمرشل بینکوں کے صارفین کے اکاؤنٹس سے تقریباً 1 کروڑ روپے نکال لئے گئے ہیں۔ ہیکرز اے ٹی ایم پر ڈیوائس لگا کر صارفین کا ڈیٹا اور پاس ورڈ حاصل کر کے جعلی کارڈ میں منتقل کر دییتے ہیں اور ملک بھر میں کسی بھی اے ٹی ایم سے پیسے نکلوا لیتے ہیں۔

دوسری جانب حبیب بینک نے سٹیٹ بینک اور ایف آئی اے کو ان معملات کے متعلق آگاہ کر دیا ہے۔ صارفین کو ہونے والے کا نقصانات کمرشل بینک ادا کریں گے۔

ذرائع کے مطابق، اے ٹی ایم سے اکاؤنٹس کا صفایا کرنے کے معاملے میں بیرونی گروہ ملوث ہے۔ رقم چین سے نکالے جانے کا انکشاف ہوا ہے۔