شہبازشریف 31دسمبر تک رانا ثنا کا استعفیٰ دیں یاخود مستعفی ہوں ، خواجہ حمید الدین

30

گوجرانوالہ ( فلک نیوز ) پیر آف سیال شریف خواجہ حمید الدین سیالوی نے شہباز شریف کو ڈیڈ لائن دیتے ہوئے کہا کہ 31 دسمبر تک شہباز شریف راناثنا اللہ کا استعفیٰ دیں یا پھر خود مستعفی ہو جائیں ۔

گوجرانوالہ میں ختم نبوتؐ کانفرنس سے خطاب کرتے ہوئے پیر خواجہ حمید الدین نے کہ اکہ کل حمزہ شہباز کا فون آیا کہ آپ اس جلسے کو منسوخ نہیں کر سکتے ؟ ۔ میں نے کہا کہ آپ روک سکتے ہیں تو روک لیں حضورؐ کے دیوانے ضرور آئیں گے ۔ میں نے کہا آپ رو ک سکتے ہیں تو روک لیں حضور کے دیوانے ضرور آئینگے، خواجہ حمید الدین سیالوی

خواجہ حمید الدین نے مزید کہا کہ شہباز شریف نے ٹیلی فون پر وعدہ کیا تھا کہ آپ اگلی کانفرنس منسوخ کردیں میں رانا ثنا اللہ کا استعفیٰ پیش کردونگا مگر بعد میں انہوں نے وعدہ خلافی کی ۔

جو بھی مشائخ عظام، علما کرام یہاں موجود ہیں، یاد رکھیں کہ آپ متحد ہوجائیں تو آپ کو کوئی کچھ نہیں کرسکتا ۔ میں علما مشائخ کا خادم ہوں، جو حکم فرمائیں گے وہ کروں گا ۔

قبل ازیں گوجرانوالہ میں عظیم الشان ختم نبوت کانفرنس میں ملک بھر سے عاشقان رسول امڈ آئے ۔

گوجرانوالہ کے شیرانوالہ باغ میں پنڈال عاشقان رسول سے کھچا کھچ بھر گیا اور جگہ کم پڑ گئی ۔ شیرانوالہ باغ سے ملحقہ سڑکوں پر بھی انسانوں کا ٹھاٹھیں مارتا سمندر موجود تھا ۔