ملکی سیاست میں ہلچل، آصف زرداری کی ڈاکٹرطاہرالقادری سے ملاقات جاری

9

ملاقات میں سانحہ ماڈل ٹاؤن پر حکمت عملی کے حوالے سے مشاورت ہو گی، پیپلز پارٹی کی سینئر قیادت بھی ہمراہ ہے.

لاہور: (فلک نیوز) سانحہ ماڈل ٹاؤن پر حکومت مخالف حکمت عملی کیلئے سابق صدر آصف علی آج منہاج القران سیکرٹریٹ میں عوامی تحریک کے قائد ڈاکٹر طاہرالقادری سے ملاقات کر رہے ہیں۔

ملاقات میں آصف علی زرداری کے ساتھ قومی اسمبلی میں اپوزیشن لیڈر خورشید شاہ، پیپلزپارٹی وسطی پنجاب کے صدر قمر زمان کائرہ، رحمن ملک اور دیگر رہنما شریک ہیں ۔ خیال رہے کہ آصف علی زرداری دو دہفتے پہلے بھی ڈاکٹر طاہر القادری سے ملاقات کر چکے ہیں جبکہ اب عوامی تحریک کی اے پی سی سے قبل ہونے والے ملاقات میں حتمی لائحہ عمل طے کیاجائے گا۔

عوامی تحریک کی آل پارٹیز کانفرنس 30 دسمبر کو لاہور میں ہو گی جبکہ حکومت کو دی جانے والی ڈیڈلائن 31 دسمبر کو ختم ہو جائے گی۔ ڈاکٹر طاہرالقادری نے مطالبہ کیا ہے کہ سانحہ ماڈل ٹاؤن پر شہبازشریف اور وزیر قانون راناثناء اللہ مستعفی ہوں، پاناما کی طرز پر تحقیقات کے لئے نئی جے آئی ٹی بنائی جائے۔ دو روز قبل عمران خان بھی طاہرالقادری سے ملاقات کر کے انہیں سانحہ ماڈل ٹاون پر ہر احتجاجی لائحہ عمل میں ساتھ دینے کا اعلان کر چکے ہیں۔