31 دسمبر کو وزیر اعلیٰ پنجاب کو دی گئی ڈیڈلائن ختم ہوجائیگی، صاحبزادہ حامد رضا

13

سرگودھا (فلک نیوز) چیئرمین سنی اتحاد کونسل صاحبزادہ حامد رضا نے کہا کہ 31 دسمبر کو وزیر اعلیٰ پنجاب کو دی گئی ڈیڈلائن ختم ہو جائے گی جس کے بعد سیال شریف میں ہونے والے ہنگامی اجلاس میں بڑے فیصلے کئے جائیں گے۔
سنی اتحاد کونسل کے چیئرمین صاحبزادہ حامد رضا نے کہا کہ 24 دسمبر کو گوجرانوالہ میں ہونے والی ختم نبوت کانفرنس میں پنجاب حکومت کو رانا ثناء اللہ کے استعفے کے لیے 31 دسمبر کی ڈیڈ لائن دی تھی جو کہ آئندہ روز ختم ہو جائے گی۔
حامد رضا نے کہا کہ وزیر اعلیٰ شہبازشریف کے پاس کل تک کا وقت ہے۔ استعفیٰ نہ آنے کی صورت میں سیال شریف میں یکم جنوری کو پہلے ہنگامی اجلاس اور پھر پریس کانفرنس ہو گی جس میں آئندہ کا لائحہ عمل طے کیا جائے گا۔