ڈیرہ غازی خان ( فلک نیوز ) پیر آف سیال شریف خواجہ حمید الدین نے کہا ہے کہ رانا ثنا اللہ کا استعفیٰ ضرور لوں گا ۔
تونسہ شریف میں آل پاکستان مشائخ عظام کانفرنس سے خطاب کرتے ہوئے پیر حمید الدین سیالوی کا کہنا تھا کہ ناموس رسالتؐ اور تحفظ ختم نبوتؐ کی تحریک شروع کی ہے مگر کسی دھرنے میں شریک نہیں ہوں گا۔
پیر آف سیال شریف نے رانا ثنا اللہ کے استعفے کے مطالبے سے پیچھے ہٹنے سے انکارکر دیا اور حکومت کیلئے خطرے کی گھنٹی بھی بجا دی۔
پیر حمید الدین سیالوی کہتے ہیں کہ دھرنوں سے کچھ نہیں ہو گا ہم عملی قدم اٹھائیں گے۔
مشائخ عظام کانفرنس سےسے خطاب کرتے ہوئے پیر حمید الدین سیالوی کا کہنا تھا کہ ختم نبوت اور ناموس رسالت پر تحریک چلائی ہے ۔ وہی قربانیاں دیں گے جو حصول پاکستان کے لیے دی تھیں۔
انہوں نے کہا کہ ہم جیلوں کو بھریں گے ۔ نو یا دس جنوری کو سیال شریف میں کنونشن کا بھی اعلان کر دیا ۔
پیر آف سیال شریف کا کہنا ہے کہ کسی سیاسی جماعت سے تعلق ہے نہ سیاست کرنے آئے ہیں صرف حضور ﷺ کی ناموس پر بات ہوگی۔
پیر حمید الدین سیالو ی کا مزید کہنا تھا کہ پاسپورٹ اور شناختی کارڈ پر مذہب کا خانہ ہونا چاہیے ۔ نبی پاک ﷺکے نام پر ہزار بار قربان ہونے کو تیار ہوں
