ڈی جی خان (فلک نیوز) خواجہ عطا اللہ تونسوی نے مشائخ عظام کانفرنس سے خطاب کرتے ہوئے کہا کہ حکمران ختم نبوت ترمیم کے بعد بھی کہتے ہیں مجھے کیوں نکالا۔
انہوں نے کہا کہ حکمران کرپشن میں لگے ہیں۔ میری سکیورٹی واپس لے لی۔
ختم نبوت ترمیم شریف خاندان کے حکم کے بغیر نہیں ہو سکتی۔
خواجہ عطا اللہ تونسوی نے کہا کہ لاہور جانے کے متعلق فیصلہ نو جنوری کو ہوگا۔
ادھر پیر آف سیال خواجہ حمید الدین سیالوی نے کہا کہ مذہبی آدمی ہوں، کسی دھرنے میں شریک نہیں ہوں گا۔ انہوں نے کہا کہ طاہر القادری کا دھرنے میں نہیں، احتجاج میں ساتھ دیں گے۔ ناموس رسالت اور تحفظ ختم نبوت کی تحریک شروع کی، سیاست سے تعلق نہیں۔
پیر آف سیال خواجہ حمید الدین سیالوی نے کہا کہ دھرنوں اور ریلیوں میں شرکت کی صحت بھی اجازت نہیں دیتی۔ انہوں نے کہا کہ 9 یا 10 جنوری کو سیال شریف میں کنونشن ہو گا۔
