اٹک- جے یو پی ضلع اٹک کا اہم اجلاس 11فروری کو مرکز اہل سنت جامعہ حقانیہ ظاہرالعلوم میں ہوگا۔

17

اجلاس میں ڈاکٹر جاوید اختر نورانی، طارق منیر بٹ ، علامہ رفاقت علی حقانی خصوصی شرکت کریں گے ، علامہ نیاز اعوان

اٹک(فلک نیوز )جمعیت علماء پاکستان ضلع اٹک کے عہدیداران ،اراکین و خادمین کا اہم اجلاس مرکز اہل سنت جامعہ حقانیہ ظاہرالعلوم رجسٹرڈ اٹک کینٹ میں 11فروری بروز اتوار (آج)دن 10بجے طلب کیا گیا ہے، ضلعی سیکرٹری جنرل جے یو پی اٹک علامہ نیاز حسین اعوان نے بتایا کہ اجلاس میں صوبائی سیکرٹری جنرل جے یو پی پنجاب ڈاکٹر جاوید اختر نورانی، صوبائی سینئر نائب صدر طارق منیر بٹ اور ڈویژنل سیکرٹری جنرل جے یو پی راولپنڈی ڈویژن علامہ ابوطیب رفاقت علی حقانی خصوصی شرکت کریں گے ، اجلاس میں موجودہ ملکی ، بین الاقوامی صورتحال پر گفتگو کے علاوہ آئندہ جنرل الیکشن میں جمعیت علماء پاکستان ضلع اٹک کے حوالے سے اہم فیصلے کئے جانے متوقع ہیں ۔