ناروے۔ پاک ناروے فورم کے وفد کی وفاقی وزیر داخلہ احسن اقبال سے ملاقات اوراوورسیز پاکستانیوں کے مسائل پر گفتگو

29

اوسلو (عقیل قادر) پاک ناروے فورم کے وفد نے صدر چوہدری اسماعیل سرور کی سربراہی میں سفارتخانہ پاکستان اوسلو میں وفاقی وزیر داخلہ احسن اقبال سے ملاقات کی اور اوورسیز پاکستانیوں کے مسائل سے آگاہ کیا۔ وفد نے وزیر داخلہ احسن اقبال کو تحریری مراسلہ بھی پیش کیا جس پر اوورسیز پاکستانیوں کے مسائل کی تفصیل سے نشاندہی کی گئی ۔ اس موقع پر احسن اقبال نے وفد کو یقین دلایا کہ وہ ان مسائل کو حل کرنے کے لیے ہر ممکن اقدامات اٹھائیں گے۔ پاک ناروے فورم کی طرف سے جن مسائل کی نشاندہی کی گئی اور انکے حل کے لیا مطالبہ کیا گیا ان میں نادرہ کارڈ کے مسائل ، اسلحہ لائسنس کو پی او سی کارڈ میں اندراج کیا جائے، جائیدادوں پر قبضے ، ،ایئرپورٹس پر کاغذات کے بہانے غیر ضروری چیک کرنے پر تنگ کیا جانا ، اوورسیز کو انسوسمنٹ کے لیے پرکشش سہولیات مہیا کی جائیں جیسے مسائل اور مطالبات شامل ہیں۔پاک ناروے فورم کے وفد میں صدر چوہدری اسماعیل سرور، جنرل سیکریڑی چوہدری وسیم شہزاد، چیف آرگنائزر چوہدری اقبال بھاگو اور فنانس سیکریڑی چوہدری قمر عباس ٹوانہ شامل تھے۔