ملک میں قانون سب کیلئے برابر ہونا چاہئے :چیف جسٹس

25

آج کی عدلیہ ماضی کی نسبت بہتر کام کر رہی ہے، لوگوں کو سستا انصاف دینے کی کوشش کر رہے ہیں :اسلام آباد میں تقریب سے خطاب

اسلام آباد (فلک نیوز ) چیف جسٹس میاں ثاقب نثار نے کہا ہے کہ ملک سے ناانصافی کو ختم کرنے کا آغاز کر دیا ہے، آج کی عدلیہ ماضی کی نسبت زیادہ بہتر کام کر رہی ہے۔ اسلام آباد میں تقریب سے خطاب کے دوران انہوں نے کہا کہ ہماری بدقسمتی ہے کہ آج ہم اپنے بنیادی مقصد سے پیچھے ہٹ گئے ہیں مگر میں اس صورتحال سے مایوس نہیں میں امید کرتا ہوں کہ وکلا اپنے فرائض ایمانداری کے ساتھ ادا کریں گے ، انہوں ںے کہا کہ ہر وکیل کو اپنے ذہن میں یہ ٹارگٹ رکھ کر کام کرنا چاہیئے کہ ایک روز اسے چیف جسٹس کی کرسی پر بیٹھ کر انصاف کرنا ہے۔

انہوں ںے کہا کہ ہماری ذمہ داری ہے کہ ہم معاشرے کے ان مظلوم لوگوں کیلئے کیس لڑیں جن کے پاس اپنا کیس لڑنے کی استطاعت نہیں ، چیف جسٹس نے کہا کہ اس ملک کی بقا صرف اور صرف قانون کی حکمرانی میں ہے اور جب تک ملک میں قانون کا بول بالا نہیں ہوگا ہم معاشرے میں امن اور انصاف کا دور واپس نہیں لاسکتے