سپریم کورٹ جے آئی ٹی کو متنازع بنانے والوں کے خلاف کارروائی کرے، خورشید شاہ

6

قومی اسمبلی میں قائد حزب اختلاف خورشید کا کہنا ہے کہ سپریم کورٹ جے آئی ٹی کو متنازع بنانے والوں کے خلاف کارروائی کرے۔

فلک نیوزسے خصوصی گفتگو کرتے ہوئے خورشید شاہ کا کہنا تھا کہ پیپلزپارٹی نے ہمیشہ عدالتوں کا احترام کیا لیکن حکمران جماعت مسلم لیگ (ن) جےآئی ٹی کو متنازع بنانے کی کوشش کر رہی ہے اور حسین نواز کی تصویر بھی اسی لئے لیک کروائی گئی۔ انہوں نے کہا کہ سپریم کورٹ جےآئی ٹی کومتنازع بنانے والوں کے خلاف کارروائی کرے۔

عرب ممالک میں اختلافات سے متعلق پوچھے گئے سوال پر خورشید شاہ کا کہنا تھا کہ پاکستان کو اسلامی ممالک کے تنازعات حل کرانے میں اپنا کردارادا کرنا چاہیئے جو خطے میں امن کے لیے بہت ضروری ہے۔