(لاہور )گورنمنٹ پوسٹ گریجوئٹ کالج شالیمار لاہور کے سال سوئم کے طالب علم صاحبزادہ میاں حذیفہ اشرف نوشاہی نے نظریہ پاکستان ٹرسٹ لاہورکے زیر اہتمام انٹر کالجز اور یونیورسٹیز مقابلہ کلام اقبالؒ میں دوئم پوزیشن حاصل کر لی ہے۔ مقابلے میں پنجاب بھر کی یونیورسٹیز اور کالجز کے طلبہء و طالبات نے حصہ لیا۔ صاحبزادہ حذیفہ اشرف نوشاہی انسانی حقوق کے علمبردار صاحبزادہ میاں محمد اشرف عاصمی ایڈووکیٹ کے بیٹے ہیں۔ گورنمنٹ پوسٹ گریجویٹ شالیمار کالج لاہور کے پرنسپل اساتذہ ، انجمن طلبہ ء اسلام کے سابق مرکزی صدر و پیس مشن امریکہ کے چیئرمین ڈاکٹر ظفر اقبال نوری،مصطفائی تحریک پاکستان کے مرکزی صدر ڈاکٹر غلام مرتضیٰ سعیدی،المصطفیٰ ٹرسٹ یوکے کے چیئرمین عبدالرزاق ساجد، تحریک آزدی کشمیر کے رہنما علی عمران شاہین، ورلڈ پاسبان ختم نبوت کے امیر علامہ ممتاز اعوان،آستانہ نوشاہی سرگودہا کے سجادہ نشین حکیم میاں محمد یوسف قادری نوشاہی، الزہرا گروپ آف کالجز کے چےئرمین جاوید مصطفائی نے صاحبزادہ میاں حذیفہ اشرف نوشاہی کو عظیم کامیابی پر دلی مبارکباد دی ہے۔
