لاہور- جب تک پاکستان میں نظام مصطفےٰﷺ نافذ نہیں ہوتا ملک کے بحران ختم نہیں ہوسکتے۔ میاں محمد اشرف عاصمی

40

حضرت اقبال ؒ کا کلام معاشی سماجی و سیاسی آزادی کا پیغام ہے۔ جب تک پاکستان میں نظام مصطفےٰﷺ نافذ نہیں ہوتا ملک کے بحران ختم نہیں ہوسکتے۔
مصطفائی جسٹس موومنٹ انٹرنیشنل کے چےئرمین صاحبزادہ میاں محمد اشرف عاصمی ایڈووکیٹ کا ایوان عدل لاہور میں پنجاب یونیورسٹی کے طلبہء سے خطاب
( لاہور )حضرت اقبال ؒ کا کلام معاشی سماجی و سیاسی آزادی کا پیغام ہے۔ جب تک پاکستان میں نظام مصطفےٰﷺ نافذ نہیں ہوتا ملک کے بحران ختم نہیں ہوسکتے۔اِن خیالات کا اظہار مصطفائی جسٹس موومنٹ انٹرنیشنل کے چےئرمین صاحبزادہ میاں محمد اشرف عاصمی ایڈووکیٹ نے ایوان عدل لاہور میں لاہور پنجاب یونیورسٹی کے طلبہء سے بات چیت کرتے ہوئے کیا۔ اشرف عاصمی نے اپنی گفتگو میں کہا کہ اقبالؒ نے نوجوانوں کو اِسی لیے شاہین قرار دیا کہ نوجوان ہی کسی بھی قوم کا سرمایہ ہیں اور قوموں کی تقدیر بدلنے کی صلاحیت رکھتے ہیں۔ اشرف عاصمی نے کہا کہ نبی پاک ﷺ کا اسوہ حسنہ اور قران پاک مسلمانوں کے لیے مشعل راہ ہے۔ پاکستان میں نبی پاکﷺ کا لایا ہوا نظام نافذ ہو گا تو تب ہی قوم مسائل سے نجات حاصل کرئے گی۔ ا شرف عاصمی کا کہنا تھا کہ نفرت ، لوٹ ما کرپشن جھوٹ کے خلاف نبرد آزما ہونے کا سب سے زیادہ حوصلہ نوجوانوں میں ہوتا ہے اِس لیے نوجوان قوم کی تقدیر بدلنے کے لیے کمر بستہ ہوجائیں۔