ایم ایم اے اٹک کی حساس ادارے کی بس پر ہونے والے خودکش حملے کی شدید مذمت
ہمارے تمام مسائل کا حل اور ملک و قوم کی ترقی کا راز نظام مصطفی کے عملی نفاذ میں مضمر ہے ،رفاقت حقانی
قوم متحد ہو کر نظام مصطفی کے نفاذ کی راہ ہموار کرے، ضلعی صدر متحدہ مجلس عمل اٹک
اٹک(فلک نیوز )ضلعی صدر متحدہ مجلس عمل اٹک ممتاز عالم دین علامہ ابوطیب رفاقت علی حقانی ، جنرل سیکرٹری محمد اقبال خان ، نائب صدورحافظ عبدالباسط مدنی، مولانا شیرزمان، سید خادم حسین کربلائی،حافظ جابر علی خان، سیکرٹری مالیات سید شہزاد الحسن ،ڈپٹی سیکرٹری جنرل علامہ نیاز حسین اعوان، مولانا احمد علی رضوی، قاری امیر نواز غازی، سیکرٹری اطلاعات قاری محمد یاسر اعوان و جملہ عہدیداران و اراکین نے گزشتہ دنوں اٹک میں حساس ادارے کی بس پر ہونے والے خودکش حملے کی شدیدالفاظ میں مذمت کی ، دریں اثنا ضلعی صدر ایم ایم اے علامہ رفاقت علی حقانی ودیگر نے ہسپتال میں زخمیوں کی عیادت کی اور انکی جلد صحت یابی کی دعا اورشہداء کے بلندی درجات کی دعا کی ، اس موقع پر علامہ رفاقت علی حقانی کا کہنا تھا کہ دہشتگرد اسلام اور پاکستان دونوں کے غدار ہیں ، انکے مقابلے کے لئے پاک فوج کے شانہ بشانہ کھڑے ہیں،ہمارے تمام مسائل کا حل اور ملک و قوم کی ترقی کا راز نظام مصطفی کے عملی نفاذ میں مضمر ہے ،قوم متحد ہو کر نظام مصطفی کے نفاذ کی راہ ہموار کرے۔
