اسلام آباد (فلک نیوز) پاکستان نے واضح کر دیا کہ بھارتی دہشت گرد کو کسی صورت دہلی کے سپرد نہیں کیا جائیگا ۔
ترجمان دفترخارجہ کی ہفتہ واربریفنگ میں مقبوضہ کشمیر میں قابض افواج کے ہاتھوں مزید 4 کشمیریوں کی شہادت پر پاکستان کی شدید مذمت سامنے آئی۔
کنٹرول لائن اور ورکنگ باﺅنڈری پر اشتعال انگیزیوں پر اظہار تشویش بھی کیا گیا۔
ترجمان دفترخارجہ نے کہا ابتک 1200 بھارتی اشتعال انگیزیوں میں 28 معصوم شہری شہید ، 117سے زائد زخمی ہو چکے ہیں۔ ڈائریکٹر جنرل ملٹری آپریشنز کے مابین ہفتہ وار رابطہ ہوتا ہے۔
ترجمان بھیکی۔ نے کہا بھارت کا کشن گنگا منصوبے کا افتتاح سندھ طاس معاہدے کی خلاف ورزی ہے۔ پاکستانی وفد نے کشن گنگا، رتلے اور بگلیہار معاملہ عالمی بینک کیساتھ اُٹھایا۔ امریکا کو بھی کردار ادا کرنے کی تجویز دی۔
ڈاکٹر فیصل نے واضح کیا یہ صرف آبی نہیں، 22 کروڑ افراد کا انسانی ،ماحولیاتی حقوق کا مسئلہ ہے۔ زراعت پر منفی اثرات مرتب ہوں گے ۔
پاکستان نے واضح کیا بھارتی دہشتگرد کلبھوشن یادیو کو کسی صورت دہلی کے سپرد نہیں کیا جائیگا ۔
ترجمان نے کہا بھارت کو عام شہریوں، ماہی گیروں اور 18 سال سے کم عمر بچوں کی رہائی کی تجویز دی۔
54 پاکستانی قیدیوں کی رہائی کا معاملہ اُٹھایا۔ پرامن ہمسائیگی کے خواہاں،خطے میں اسلحہ کی دوڑ کیخلاف ہیں۔
ڈاکٹر فیصل کی پاکستانی طلباء سبیکا شیخ ، طلحہ زیدی کی ناگہانی اموات پر شدید دکھ کا اظہار بھی سامنے آیا اور نہتے فلسطینیوں پر وحشیانہ مظالم کی مذمت بھی کی
