اٹک- سابق وزیر قانون رانا ثناء اللہ سے گمراہ کُن بیان پر سرعام توبہ کریں، رفاقت حقانی

21

ایم ایم اے اٹک کی پشاور، بنوں، مستونگ، کوئٹہ دہشتگردی واقعات کی شدید مذمت اور شہداء و زخمیوں کے لئے دعا
قوم 25جولائی کو باکردار، باعمل قیادت کا انتخاب کریں تاکہ نظام مصطفی ﷺ کے نفاذ کی راہ ہو،رفاقت حقانی
عالم کفر مسلمانوں کو کمزور کرنے کی سازشیں کر رہا ہے،مسلمان انہیں بے نقاب کریں،ضلعی صدر ایم ایم اے

اٹک(فلک نیوز )ڈویژنل جنرل سیکرٹری جمعیت علماء پاکستان و ضلعی صدر متحدہ مجلس عمل اٹک ممتا زعالم دین وروحانی معالج علامہ ابوطیب رفاقت علی حقانی بانی و مہتمم جامعہ حقانیہ ظاہرالعلوم رجسٹرڈ اٹک کینٹ نے پشاور، بنوں، مستونگ، کوئٹہ میں دہشتگردی کے واقعات کی شدید مذمت اور شہداء و زخمیوں کے لئے دعا کی اور اپنے بیان میں کہاکہ حملہ آوروں نے بزدلی کا مظاہرہ کیا ہے ،قوم کے حوصلے اور عزم بلند ہیں، دریں اثناء انہوں نے سابق وفاقی وزیر شیخ آفتاب احمد پر قاتلانہ حملے کی مذمت کی اور سابق وزیر قانون رانا ثناء اللہ سے گمراہ کُن بیان پر سرعام توبہ کرنے کا مطالبہ کرتے ہوئے کہاکہ وہ اپنے بیان پر سرعام توبہ کریں وگرنہ اللہ کی گرفت بہت سخت ہے ، آئے روز اسلام کے ساتھ کھلم کھلا مذاق کیا جارہا ہے، سوشل میڈیا پر بڑے چھوٹے کی تمیز کا جنازہ نکالا جا رہا ہے، عالم کفر مسلمانوں کو کمزور کرنے کی سازشیں کر رہا ہے،مسلمانوں کو ہوش کے ناخن لینے چاہئیں اور یہوو ونصاریٰ کی سازشوں کو بے نقاب کرنا چائیے ، جسے اسلام کی الف کا نہیں پتہ وہ بھی مفتی بنا ہوا ہے یہ سب علامات قیامت میں سے ہیں ، ضرورت اس امر کی ہے کہ قوم 25جولائی کو باکردار، باعمل قیادت کا انتخاب کریں تاکہ نظام مصطفی ﷺ کے نفاذ کی راہ ہو، نہ سنبھلو گے تو مٹ جاؤگے اے غافلو تمہاری داستاں تک نہ رہے گی داستانوں میں ۔