قوم اس سال منفرد انداز میں شہدا کو خراج تحسین پیش کرے گی ، ڈی جی آئی ایس پی آر

21

راولپنڈی (فلک نیوز) ڈی جی آئی ایس پی آر میجر جنرل آصف غفور نے کہا کہ  قوم اس سال 6 ستمبر کو منفرد انداذ میں اپنے شہدا کو خراج تحسین پیش کرے گی۔

ڈی جی آئی ایس پی آر میجر جنرل آصف غفور کے  ٹویٹ کے مطابق 6 ستمبر کو  ہمیں پیار ہے پاکستان سے، نام پر یوم دفاع و شہدا منایا جائے گا۔

قوم منفرد انداز میں اپنے شہدا کوخراج عقیدت پیش کرے گی۔

ڈی جی آئی ایس پی آر میجر جنرل آصف غفور نے اپنے ٹویٹ پیغام میں کہا کہ  میڈیا اور دیگر قومی اداروں کے ہم آہنگ  ہر پاکستانی اس منفرد ملک گیر مہم کا حصہ بنے گا۔

عسکری ترجمان کا کہنا ہے کہ ہمیں پیار ہے پاکستان سے  کا پیغام شہدا کے لواحقین، گھر، گلی، محلہ، تحصیل، گاؤں، شہر، صوبہ اور مقام شہادت تک پہنچا جاۓ گا۔

میجر جنرل آصف غفور کہتے ہیں شہید اور ان کے لواحقین قوم کے ہیرو اور سرمایہ ہیں۔ زندہ قومیں اپنے شہیدوں کو کبھی نہیں بھولتیں۔