پاکستان کلمہ طیبہ کی بنیاد پر لاکھوں جانوں کا نذرانہ پیش کر کے حاصل کیا گیا۔حافظ عبدالوحید شاہد روپڑی

10

لاہور(فلک نیوز)جماعت اہلحدیث پنجاب کے امیر حافظ عبدالوحید شاہد روپڑی نے کہا ہے کہ حکمران اغیار کی غلامی چھوڑکر جرات و استقامت کا مظاہرہ کریں اور مضبوط پالیسیاں ترتیب دیں اللہ تعالی مزید راستے کھولے گا۔جمع کے اجتماعات سے خطاب کرتے ہوئے انہوں نے کہاکہپاکستان کلمہ طیبہ کی بنیاد پر لاکھوں جانوں کا نذرانہ پیش کر کے حاصل کیا گیا۔ ہمیں اس ملک میں کتاب و سنت سے الگ قوانین نہیں بنانے۔انہوں نے کہا کہ ہمیں سیرت رسول ﷺ کا مطالعہ کرنا چاہیے کہ جب مدینہ کی آبادی بڑھ گئی تو محدود وسائل کے باوجود معیشت کس طرح کنٹرول کی گئی؟ اور لوگوں کے حقوق کی پاسداری کیلئے کیا قوانین وضع کئے گئے؟۔یہ سب کچھ احادیث رسول ﷺ میں موجود ہے لیکن افسوس کہ قرآن و سنت کا مطالعہ نہیں کیا جاتا۔انہوں نے کہا کہ حکمرانوں و سیاستدانوں کو چاہیے کہ وہ اپنے حلف کی پاسداری کریں۔ فوجداری اور دیوانی قوانین قرآن و سنت کے مطابق بنا دیے جائیں تو قانون دان طبقہ انگریزی قانون کی طرح قرآن و حدیث کابھی مطالعہ کرے گا اور اس سے بہت سے معاملات کی اصلاح ہو گی۔