خان صاحب!ہم گرے تو آپ بھی نہیں آئینگے-سعد رفیق

6

دھرنے کے سانپ مرے نہیں ادھ موئے ہوگئے ،عمران خان حالات کی نزاکت سمجھیں جے آئی ٹی میں انصاف ہوتامحسوس نہ ہواتوکارکن اپنے جذبات سامنے لائینگے، کارکنوں سے خطاب

لاہور(فلک نیوز)وزیرریلوے خواجہ سعدرفیق نے کہاہے کہ ہمیں4سال کام نہیں کرنے دیاگیا، ن لیگ حکومت کی نااہلی آگ کاکھیل ہے ،خان صاحب!ہم گرے توآپ کی باری بھی نہیں آئیگی،غیرفطری طریقے سے گھر بھیجا گیا تو ملک کو نقصان ہو گا، اگرجے آئی ٹی میں انصاف ہوتا محسوس نہ ہوا تو کارکن اپنے جذبات سامنے لائیں گے اوریہ ہماراحق ہے ۔کارکنوں سے خطاب میں انکاکہناتھاکہ ن لیگ مافیا ہے نہ گاڈ فادر،ووٹ کی طاقت سے اقتدار میں آئے لیکن ہمیں غیر فطری طریقے سے گھر بھیجنے کی کوشش کی جاتی رہی، آج امپائر پاکستان کے آئین اور جمہوریت کا محافظ ہے ، پاکستان کو60کی دہائی میں واپس دھکیلنے کی سازش نا کام ہو گئی اورٹانگیں کھینچنے والے خود گر جائیں گے ، ہمارے مخالفین نے منی لانڈرنگ کا کوئی ثبوت نہیں دیا، اگر ثبوت نہیں تو گاڈ فادر کے الفاظ بھی مناسب نہیں،ہم عدالت کے احترام میں سرجھکا کرتعاون کرتے رہے اور آگے بھی کرتے رہیں گے جبکہ ہمیں گاڈ فادرکہا گیا اور ہمیں 4 سال میں کام نہیں کرنے دیا گیا،پاکستان جمہوریت اور سیاست کے بغیر آگے نہیں بڑھ سکتا،خان صاحب خود گندے ہو گئے ، ہمیں ڈس کوالیفائی کرنا آگ کا کھیل ہے ، ایسا نہ ہو کہ کل عمران خان کو ہمارے ساتھ ٹرک پر چڑھناپڑ جائے ، دھرنے کے سانپ مرے نہیں ادھ موئے ہوگئے ، خان صاحب اس حد تک نہ جائیں کہ پتھر چاٹ کر واپس آنا پڑے ،اگرکوئی حادثہ ہواتوعمران بری الذمہ نہیں ہوسکتے ،خان صاحب!وقت اور حالات کی نزاکت کو سمجھیں، اکثریت کا فیصلہ نہ ماننے پرپہلے بھی ملک ٹوٹ چکا ہے ، آج پھرملک دشمن عناصر پاکستان میں انارکی پھیلانا چاہتے ہیں اور اکثریت پر اقلیت کا فیصلہ مسلط کیا جارہا ہے ،جے آئی ٹی پر ہمارے تحفظات جائز ہیں گستاخی نہیں،جے آئی ٹی ارکان کو سوچنا چاہئے کہ وہ سچ کی تلاش میں ہیں یا مچھلیاں پکڑ رہے ہیں، یہ فیکٹ فائنڈنگ کمیٹی ہے انٹیروگیشن ٹیم نہیں۔